Flag Counter

Instagram
 

Ang Uwan, Si San Pedro og akong Lolo

Posted: 07/31/2015  1:19 AM EST

 

Nagsugod na sad ang uwan diri sa dakbayan sa Cebu. Ambot lang diha sa inyong lugar basta diri kada-adlaw ang uwan. Apan maayo ra pud ni kay dili na mawala ang agas sa among tubig og makapanghugas nako permi sa mga plato.

Makahinumdum hinoon ko sa mga binuang nga istorya sa akong Lolo mahitungod sa ulan adtong bata pako. Ingon siya nga ang dugdug kuno, utot ni San Pedro, ang kidlat kuno kay ang lighter ni San Pedro nga di mosiga kung magdagkot siya’g sigarilyo, ug ang uwan kuno kay luha ni San Pedro kung mohilak siya.

Nahibung ko sa hilom kung nganung mohilak man pud si San Pedro nga tua naman unta siya sa langit. Abi ko ba’g lingaw didto?

Pero karon nga dako nako, akong nahibaw-an nga komedya ra diay tong istorya sa akong Lolo mahitungod sa ulan. Pero di gihapon mawala sa akong huna-huna nganung mohilak si San Pedro. Nganu gyud kaha?

Basin gikasab-an siya sa iyang mama o basin wa siya sugta sa bae mga iyang naibgan. Wa ta kahibaw.

Pero mohilak diay kung di sugton sa bae nga naibgan?

Nganung kung mabasted kay magpakahubog man unya mag maoy? Tungod ba kaha kini sa kasakit nga gibati sa dughan o tungod lang ba kaha kini sa garbo nga gibati kay gibaliwala lang imong pag-antos og pagpagwapo kada-adlaw. Wa ta kahibaw.

Pero ambot lang pud ug nganu nga makawala baya pud sa kasakit sa dughan ang paghubog-hubog. Samot na’g bugnaw kayo ang beer. Malimtan gud nimo usahay ang ngan sa imong naibgan tungod sa kalami.

Adtong mga niagi nga adlaw, gibasted ko’s bae nga akong naibgan. Ingon siya nga di daw mi meant-to-be. Murag mahugno akong kinabuhi sa kasakit, gusto kayo ko mohilak apan mauwaw kog hilak atubangan sa akong mga higala kay basin ignun ko nila nga walay angay kay gadako ra akong lawas. Mao tong nagpakahubog nalang kos beer sa tindahan duol sa among balay hantod nga nawala na ang kasakit nga akong gibati.

Nakatabang ang kahubog kadjot pero pagkaugma nga nahuwasan nako, nadoble hinoon akong kasakit nga gibati. Sakit sa ulo og sakit sa dughan.

Matud pa nila, wala’y tambal ang sakit sa dughan. Kinahanlan gyud nimo bation ang kasakit hangtud maanad ra ka. Pagkadakong binuang gud!

Pero maayo nalang kay naay ilimnong makahubog nga makapatabang sa gibati sa mga taong nasakitan sama nako. Usahay makahuna-huna nalang gud ko nga minyoan nalang kaha nako ang botelya sa beer. Maayo man ning botelya kay di ko pasakitan og di ko biyaan. Pero dala ra to sa akong kahubog.

Balik ta kang San Pedro. Karon nga permi ang uwan sa Cebu, pasabot ba ini nga nagsakit pud permi ang dughan ni San Pedro? Nganu kaha? Gibuwagan ba kaha siyas iyang uyab, gi-friendzone ba kaha siya sa iyang gipanguyaban, o basin nihilak siya kay di siya kasulti sa iyang gibati sa bae nga iyang naibgan ug naunhan na hinoon siya’g lain laki? Wa ta kahibaw.

Nalooy kog huna-huna para kang San Pedro. Maayo man ko kung masakitan kay makainom man ko og beer permi sa tindahan. Siya kaha? Unsaon kaha niya pagtambal sa iyang sakit nga dughan? Naa kaha’y beer sa langit? Naa siguro kay tua man nagpuyo si San Miguel. Pero wa ta kahibaw. 

 


 
There are 13727 visitors (29407 hits) of Gee Pixel Designs
=> Do you also want a homepage for free? Then click here! <=